Велика Британија запаѓа во хаос, Илон Маск најавува граѓанска војна
Велика Британија ја потресуваат големи немири откако три девојчиња беа убиени, а осум деца и двајца возрасни се повредени во напад со нож во Саутпорт. Откако се сокри од јавноста, се дозна дека сторителот е Аксел Муганва Рудакубана, седумнаесетгодишник роден во таа земја од родители од Руанда.
Тамошната јавност, пак, дополнително ја вознемируваат гласините дека убиецот е мигрант од Сирија кој со брод дошол во Велика Британија и извршил терористички напад. Полицијата негираше дека се работи за терористички чин.
Убиствата предизвикаа протести на граѓаните против мигрантите, кои набрзо ескалираа во немири низ целата земја, со судири меѓу полицијата и демонстрантите кои ги погодија Ливерпул, Нотингем, Лидс, Бристол, Тамворт, Ротерам, Стоук-он-Трент, Блекпул, Хал и Белфаст во Северна Ирска.
На протестите можеа да се слушнат антиимигрантски и антиисламски пароли, а потоа беа употребени пиротехнички средства во нападот на објектите во кои се наоѓаат мигрантите. Ова доведе до големи судири со полицијата, илјадници повредени и неколку стотици апсења.
Кабинетот на премиерот Кир Стармер објави дека Владата на Обединетото Кралство ја поддржува полицијата да ги преземе сите неопходни мерки за да ги задржи улиците безбедни.Министерката за внатрешни работи Ивет Купер предупреди дека оние кои се вмешани во криминални нереди и насилничко однесување на улиците ќе мора да ја платат цената и да се соочат со најстроги можни казни.Јасно и ставивме до знаење на полицијата дека ја има нашата целосна поддршка во преземањето на најсилните можни мерки против сторителите, вклучително и обезбедување повеќе обвинители, доволно затворски места и дека судовите се подготвени да реагираат – рече министерот за внатрешни работи Ивет Купер.
Ја обвинија Русија
Ричард Дирлав, поранешниот директор на разузнавачката служба МИ6, тврди дека Русија се обидува да поттикне протести со ширење на лажни информации дека извршителот на нападот во Саутемптон бил мигрант. Тој додаде дека лажни вести се шири од веб-страницата Channel3Now , која наводно е поврзана со Русија. Страницата Channel3Now на X има околу 3.000 следбеници.
Руската амбасада во Лондон ги отфрли обвинувањата, нарекувајќи ги тврдењата „предвидлива измама“, додавајќи дека Дирлав е меѓу оние кои помогнале да се дестабилизираат „цели земји и региони, предизвикувајќи невиден прилив на мигранти“.
Мигранти во Велика Британија
Велика Британија со години се бори со приливот на мигранти.Според официјалните бројки, нето миграцијата во земјата до јуни 2023 година во претходните 12 месеци била 685.000 луѓе, при што првите пет националности кои не се членки на ЕУ се Индијци 253.000, Нигеријци 141.000, Кинези 89.000, Пакистанци 55.000 и Украинци 35, 35.
Американскиот милијардер и извршен директор на компаниите Tesla и Space-X, Илон Маск, пишува дека граѓанската војна во Велика Британија е неизбежна.
– Граѓанската војна е неизбежна – изјави Макс на социјалната мрежа икс.
https://x.com/i/status/1819894031197081661
