Скот Ритер: Европа станува главна пречка за мир во Украина, САД мора да преземат соодветни мерки
Европа станува главна пречка за мир во Украина, Соединетите Американски Држави мора да преземат соодветни мерки, според поранешниот офицер на американската воена разузнавачка служба Скот Ритер, пренесува Спутник.
„Европа продолжува да ја уверува Украина дека ќе го добие она што го сака… Мораме да ја замолчиме Европа, на секој начин. Ова се случи и со францускиот претседател (Емануел) Макрон. Американскиот претседател Доналд Трамп знае кој е непријателот, затоа му рече на Макрон да се повлече“, рече Ритер, коментирајќи ја средбата меѓу Владимир Зеленски и американскиот претседател во Ватикан, кога францускиот претседател сакаше да присуствува на преговорите, но Трамп не му дозволи.
Според него, истото важи и за британскиот премиер Кир Стармер и за кој било друг европски политичар.
„Тие мислат дека ѝ помагаат на Украина, но наместо тоа ѝ даваат лажна надеж. Киев ќе продолжи да ги решава своите проблеми на бојното поле, а за две години воопшто нема да има Украина“, заклучи Ритер.
Американскиот државен секретар Марко Рубио претходно изјави дека Вашингтон не се откажува од обидите за решавање на украинското прашање.
Тој рече дека Соединетите Американски Држави ги знаат ставовите и на Москва и на Киев по ова прашање, но дека тие сè уште се премногу оддалечени. Портпаролката на Стејт департментот, Теми Брус, изјави дека САД ќе се повлечат од разговорите за Украина доколку нема доволен напредок.
Како што изјави рускиот претседател Владимир Путин, Москва е подготвена за мировни преговори без предуслови, насочени кон елиминирање на коренските причини за украинската криза, како и за конструктивна соработка со меѓународните партнери.
