Римскиот папа за забраната на УПЦ: Ниту една христијанска црква не треба да се укинува
„Размислувајќи за неодамна донесените закони во Украина, се плашам за слободата на оние кои се молат. Кој вистински се моли, секогаш се моли за сè. Злото не се прави поради молитвата. Ако некој направи зло врз својот народ, тој ќе биде виновен за тоа. Но, тој не прави зло затоа што се моли.
А на оние кои сакаат да се молат на место што го сметаат за своја црква, треба да им се даде можност да се молат. Ве молиме не дозволувајте ниту една христијанска црква да биде укината директно или индиректно. Црквата не смее да се допира!“, рече понтифот по неделната проповед на плоштадот Свети Петар во Ватикан.
Украинскиот претседател Владимир Зеленски во саботата потпиша закон со кој се забрануваат активностите на верските организации поврзани со Русија, особено на канонската Украинска православна црква, на територијата на Украина.
На 20 август, украинскиот парламент усвои закон со кој се овозможува забрана на Украинската православна црква во Украина. Според пратеникот Јарослав Железњак, УПЦ ќе има девет месеци да ги „прекине врските со Руската православна црква“. Законот влегува во сила 30 дена по неговото објавување.
Пред тоа, нацрт-законот беше поддржан од Сеукраинскиот совет на цркви и верски организации.
Украинските власти го организираа најголемиот бран на прогон на УПЦ во модерната историја на земјата. Повикувајќи се на нејзината поврзаност со Русија, локалните власти во различни делови на Украина одлучија да ја забранат работата наУПЦ . Властите воведоа санкции за некои претставници на свештенството на УПЦ.
Службата за безбедност на Украина почна да покренува кривична постапка против свештенството на УПЦ и да спроведува „контраразузнавачки активности“ – претреси на епископи и свештеници, цркви и манастири во потрага по докази за „антиукраински активности“.
