Полицијата ја најде исчезнатата Клара на Железничка станица во Скопје
Четитинаесетгодишната Клара Т. која исчезна вчера вечер во населбата Илинден е најдена, потврдуваат од МВР. Таа ќе биде предадена на семејството која ја пријави за исчезната по кавга во домот.
„Денеска (03.08.2024) околу 12.50 часот на Железничката станица во Скопје полициски службеници од СВР Скопје ја пронајдоа К.Р. (14), за која од страна на нејзината мајка И.Т. (33) од н.Илинден, Скопје, на 02.08.2024 околу 23.45 часот беше пријавено дека по претходна расправија, се оддалечила од домот. Веднаш по добиената пријава, преземени се соодветни мерки и активности од страна на полициските службеници од СВР Скопје и девојчето е пронајдено и ќе биде предадено на родителот“, соопштија од МВР.
