НОВИ САНКЦИИ ЗА ВЕНЕЦУЕЛА: По објавувањето на победата на Мадуро, Вашингтон се сомнева во резултатите од гласањето
АДМИНИСТРАЦИЈАТА на американскиот претседател Џозеф Бајден изрази сомнеж за победата на венецуелскиот претседател Николас Мадуро на изборите и размислува за воведување нови санкции против таа земја, пренесува Ројтерс, повикувајќи се на изјави на неименувани американски претставници.
Вашингтон се сомнева во резултатите од гласањето, кое го прогласи Мадуро за победник, и бара објавување на детално пребројување на гласовите, велат изворите.
Независните излезни анкети покажаа победа на опозицијата, а противникот на Мадуро, Едмундо Гонзалес, тврди дека тој е вистинскиот победник.
Американските власти, кои сакаа да останат анонимни, изјавија дека без објавување на детално пребројување на гласовите, меѓународната заедница не сака да го признае објавениот резултат.
Тие објаснија дека Вашингтон ќе ја оцени својата политика на санкции против Венецуела во зависност од активностите на режимот на Мадуро во иднина.
Во неделата во Венецуела се одржаа претседателски избори на кои победа прогласија и актуелниот претседател Николас Мадуро и главниот опозициски кандидат Едмундо Гонзалес.
