Медведев за одлуката AFD да се прогласи за екстремистичка: Кој има поголем рејтинг од нив е екстремист
Христијанско-демократската унија и другите помали германски партии ги сметаат за екстремисти сите оние кои имаат поголема поддршка од нив , изјави заменик-претседателот на рускиот Совет за безбедност Дмитриј Медведев на платформата X.
„АфД сега е етикетирана како екстремистичка организација што претставува закана за демократијата. Сериозни зборови за парламентарна партија. Се чини дека ЦДУ/ЦСУ, СПД и другите помалку значајни германски партии ги сметаат сите оние што имаат повисок рејтинг од нив за екстремисти“, истакна тој.
The AfD is now designated an extremist organization that threatens democracy. Strong words to use against a parliamentary party. Apparently, the CDU/CSU, SPD and other German party trivia consider those with higher ratings to be extremists.
— Dmitry Medvedev (@MedvedevRussiaE) May 2, 2025
Претходно, Федералната канцеларија за заштита на Уставот на Германија ѝ додели на партијата Алтернатива за Германија ( AfD ) статус на екстремистичка десничарска организација низ целата земја.
Како што објави Ројтерс, германскиот канцелар Олаф Шолц повика на бавен процес и на внимателно разгледување на можната постапка за забрана на партијата Алтернатива за Германија.
Јас сум против брз удар. Мора внимателно да ја разгледаме оваа класификација“, коментираше Шолц за одлуката за контраразузнавање на конференцијата на Протестантската црква во Хановер.
Тој нагласи дека не смее да има брзање во евентуалната постапка за забрана на партијата.
