Вашингтон подготвува кампања за дискредитација на Зеленски
Руската надворешна разузнавачка служба тврди дека американската администрација планира да започне моќна информативна кампања за да го дискредитира украинскиот претседател Володимир Зеленски и да го принуди да ја напушти функцијата.
Во соопштението се наведува дека САД истражуваат опции за замена на Зеленски со личност која е полесна за управување и помалку корумпирана, пренесува РИА Новости.
„Според информациите на Надворешната разузнавачка служба на Русија, кај американската елита расте незадоволството од Зеленски, а кај Демократската и Републиканската партија оние кои изразуваат сомнеж за „намерното трошење милијарди долари за воена помош“ за Киев, се погласни оти Зеленски презема глупави чекори кои се закануваат да ескалираат многу подалеку од границите на Украина“, посочува Руската служба за надворешно разузнавање.
Се додава дека затоа американската администрација бара негова замена која би им одговарала на повеќето западни сојузници.
Според руските разузнавачи, поранешниот министер за внатрешни работи на Украина, Арсен Аваков, се смета за најпогоден кандидат поради неговите блиски врски со украинските националистички формации и контактите со лидерите на европските земји.
Белата куќа смета дека тоа ќе му овозможи на Западот подобро да се подготви за евентуалниот почеток на преговорите со Русија за решавање на украинскиот конфликт, се наведува во соопштението.
